Skip to content

ماتش ‘ودي’

July 9, 2012
‏أنا و إبن عمتي و أخويا دخلنا محل ‘بلاي ستيشن’ إسمه ‘أونيجرو’، إسم عنصري جداً بس صباح الفل يعني. أنا عن نفسي عمري ما كان ليَّ في ‘البي أس’ ولا عمري حبيت الكورة أصلاً و علشان كده إتسحلت في تويتر و قعدت أحرق في سجاير و أصطنع الإهتمام كل حين و أخر.
إختيار فريق الكورة موضوع صعب، بالذات إن أخويا ‘مانشستراوي’ و إبن عمتي بيخاف من ‘مانشستر’ لأن دفاعهم قوي. المهم، خلصت مرحلة الإختيار وبدأنا ‘الماتش الودي’ اللي مبقاش ودي بعد الشوط التاني. أخويا أصغر سناً و عنده خبرة طبعا و كانت نتيجة متوقعة إن مانشستر يبقى متقدم بتلت أهداف. مما يدعو للقلق لأن إبن عمتي كان بيلعب بفريق ‘ريال مدريد’ اللي دمه حامي و جمهوره همجي و مش بيحب يخسر. في وسط المباراة، أخويا كان بيهدد إبن عمتي ‘بالتقطيع’ و ‘الطحن’ بس عادي بنضحك ومش في دماغنا.
فجأة وفي وسط الماتش ‘الودي’، إنقلبت الأية، الكاميرا سابت هجمة مانشستر و ركزت على جموع جماهير ريال مدريد اللي سابوا المدرجات و نزلوا الملعب. افراد الأمن واقفين ولا كأن في حاجة بتحصل، الراجل أبو جلابية بتاع ماتش الزمالك إتمسك في أقل من دقيقة وإشتهر وطلع في التلفزيون، بس ده كان مشجع وبيحب فريقه، لكن دول تبع مين؟ من خوف اللاعيبة وتفكيرهم السريع، هربوا و أصبح الملعب فاضي، و أصبح ‘ملعب’ بلطجية ريال مدريد. إتجاه البلطجية كان واضح وصريح وهدفهم مش محتاج تعريف. الكاميرا غيرت اتجاهها وركزت على جمهور مانشستر اللي إقتحم الرعب قلوبه من المنظر وبوظ عليهم فرحتهم بالفوز. المنظر خلى أرجل راجل يجري بس الجدعنة كان ليها حضور، كأن في صوت بيزعق لكل مشجع ويقوله حافظ على حياة أخوك..مش مهم الدين مش مهم السن مش مهم أي حاجة، المهم نعيش. جمهور ريال مدريد بيجري وبيقطع الملعب أسرع من أسرع لاعيب، وفي إيد كل واحد منهم سلاح، إشي سنجة وإشي مطواة واللي ماسك سكينة مطبخ مصدية واللي معاه ‘اليكتريك شوك’. معقول ماتش كورة ‘ودي’ يقلب كده؟ الهجوم بدأ، على الصغير والكبير إن كان راجل أو ست مش فارقة، الكاميرا ركزت على واحد عنده حوالي ١٤ سنة أو يمكن أقل بيحاول يهرب من واحد شكله لسة طالع من السجن طازة وشايل سنجة في إيده، قدرت أفهم من حركة شفايفه إنه بيشتم أوسخ الشتايم، للأسف البلطجي رجله مساعداه أكتر من الولد المفزوع وفجأة…سواد.
لاقيت إبن عمتي شال الفيشة و فصل ‘البي إس’ وهو اللي أنقذ معظم جماهير مانشستر من الموت، على الأقل حد عمل حاجة..
Advertisements

From → Uncategorized

Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: